Ben Madilynn
Dear Papa Joe,
Ako diay si Anita, 35 anyos na ang panuigon. Minyo ko ug may upat ka mga anak.
Ang akong suliran kay kabahin sa akong bana nga nangabit. Abi man nako manok ray karibal nako pero sayop ko kay nasakpan nako karon nga may kabit sa laing lungsod ug maestra pa. Ako silang gikomprontasi ug akong giingnan nga ikiha. Nihangyo ang babaye nako nga di lang kay madaut iyang pagka maestra kay wa siyay kasayuran nga minyo akong bana kay ulitawo lagi ang iyang pagpaila nga abi niya nag habalhabal lang ug nagkauyonay kadugayan.
King bayhana, Paps, naa na ni sa 40 plus ug matod niya sundo-sundo ra sila ug way nahitabo nila kay giampingan niya iyang pagka dalaga. Angay ba nakong idayon ang pagkiha, Paps? Tambagi ko.
ANITA
Anita,
Katungod nimo na tanan mokiha ba o mopasaylo. Naa ra gyud nimo ug matimbangtimbang nimo kon nisulti ba siya sa tinuod. Basin tinuod gyud og ni grab ra siya sa panahon nga makasakay pa sa train.
Usbon ko, imo nang katungod ug kon mokiha gyud ka kinahanglan modangop ka og abogado para ma produce nimo ang saktong ebidensya nga magtumbok nila sa ilang salaod. Kay di igo nga nakakita ka nila ug nagkuyog lang, basin simbako ikaw ang madaut. Kon tinuod man ugaling. Makaingon ta nga maayo gyud ang imong bana mangatik kay naatikan gani ka nga manok ra ang imong kompetensya.
PAPA JOE
