PBBM, inapadanonna ti kablaawna iti bario British Prime Minister Starmer

LAOAG CITY – Naimpusuan a kinablaaw ni Presidente Ferdinand Marcos Jr. iti baro a Primer Minister ti United Kingdom Keir Starmer ken ti Labour party a nangabak iti nabiit pay a 2024 a general election.

Kinuna pay ti Presidente a tarigagayanna ti balligi ti baro a gobierno ti United Kingdom ken namnamaenna nga ad-adda a mapatibker ti nauneg ken napaut a relasion ti Pilipinas ken United Kingdom.

Naipasdek ti diplomatic ties ti Pilipinas ken UK idi Hulio 4, 1946 a naibasar iti statement nga inruar ti Presidential Communications Office.

Pormal nga indur-as ti UK ken PH ti ad-adda a pannakapapigsa ti depensa, maritime ken trade ties babaen iti enhanced partnership agreement idi Agosto 2023 iti tengnga dagiti rumrummuar a geopolitical ken economic challenges a sangsanguen ti rehion.

Suportaran met ti UK ti takder ti PH iti isyu iti West Philippine Sea, a maysa met kadagiti rason ti panangkondenar kadagiti napeggad ken escalatory tactics dagiti barko ti China kontra iti PH.