![](https://trend.slink.ph/wp-content/uploads/sites/11/2024/06/TAIWAN-267x150.jpg)
Taiwan, binalakadanna dagiti umili nga agbiahe iti China ken dagiti teritoriada
![](https://img.bomboradyo.com/laoag/2024/06/TAIWAN.jpg)
LAOAG CITY – Binalakadan ti Taiwan dagiti umilda a liklikanda ti agbiahe iti China ken dagiti teritoriana a Hong Kong ken Macao.
Daytoy ket kasaruno dagiti pangta manipud China a maikkan ti pannusa nga ipapatay kadagiti mangsupsuporta iti self-ruled island.
Inpakaammo ti Taiwan spokesperson ken deputy head of the Mainland affairs Council Liang Wen-chieh a ti nadakamat nga abiso a naiparuk-at ket gapu iti pangta ti China iti Taiwan a mangibagbaga a paset ti teritorioda no sadinno nga agusarda iti puersa no kasapulan.
Inlawlawag ti opisial ti Taiwan a saan nga iparit tigobiernoda ti agbisita iti nadakamat a teritorio no di ket ipalagipna kadagiti agbiahe a saan a mangiyebkas kadagiti napolitikaan nga opinion wenno mangiyeg kadagiti libro wenno ag-post online mainaig kadagiti isyu a mabalin nga usaren ti authoritarian Communist Party a mangtiliw kadakuada.
Kabayatanna, adda ginasut nga umili iti Taiwan ti agnanaed idiay China wenno agbiahe para iti negosio wenno sumarungkar iti pamiliada iti kada tawen.