![](https://trend.slink.ph/wp-content/uploads/sites/11/2024/06/AYUNGIN-SHOAL-267x150.jpg)
PH ken ti US, nagtunos a solbaren ti maritime dispute iti West Philippine Sea a karaman ti China babaen ti natalna a wagas
![](https://img.bomboradyo.com/laoag/2024/06/AYUNGIN-SHOAL.jpg)
LAOAG CITY – Nagtulag ti Pilipinas ken Estados Unidos a solbaren ti maritime dispute a pakairamanan ti China iti West Philippine Sea babaen iti natalna a wagas.
Daytoy ket kalpasan ti telephone conversation da National Security Adviser Eduardo Año ken United States National Security Advisor Jake Sullivan idi Hunio 27.
Nagsaritaan dagiti 2 nga opisial ti nabara ken naranggas nga aksion ti China Coast Guard kontra kadagiti tropa a Pilipino kabayatan ti resupply mission idi Hunio 17 iti BRP Sierra Madre outpost iti Ayungin shoal.
Mainaig iti daytoy, agpada nga impaganetget dagiti 2 a National Security Advisers ti napateg nga akem ti transparency policy ti Pilipinas iti West Philippine Sea ken ti panangsolbar iti disputes babaen kadagiti natalna a wagas kasta met ti panangitandudo iti rules-based international order.