Reformist Masoud Pezeshkian, nangabak iti kaliplippas nga Presidential Election idiay Iran

LAOAG CITY – Nangabak ti reformist a ni Masoud Pezeshkian iti kaliplippas nga Presidential Election idiay Iran.

Inabak ni Pezeshkian ti kinalaban na iti pwesto nga addaan ti dakkel a gidyat.

Napasamak daytoy iti baet ti nakaro a tension iti uneg ken ruar ti pagilianda.

Manipud iti 30.5 milion a botos a nabilang iti runoff idi napan Biernes, nangabak ni Pezeshkian iti nasurok a 16.3 milion.

Daytopy ti rason no apay a naparmekna ti ultraconservative a karibalna a ni Saeed Jalili, a nakagun-od iti 13.5 milion.

Iti kadagupan, 49.8% laeng ti dagup ti turnout dagiti botante.

Nabutosan ni Pezeshkian iti maikadua a rikus ti panagbutos kalpasan a nakagun-od iti kangatuan a bilang ti butos.

Ti baro a presidente ti mangsukat ken ni Presidente Ebrahim Raisi, a natay gapu iti pannakadungpar ti helikopter a nagluganan na idi Mayo 19, 2024.