Oath taking ni Sen. Sonny Angara kas DepEd secretary, saan pay a maituding agingga saan nga epektibo ti resignation ni VP Sara Duterte
Mario Bautista
Awan pay laeng ti schedule ti oath taking ni Senador Sonny Angara kas baro a secretary ti Department of Education (DepEd) agingga saan nga epektibo ti resignation ni Vice President Sara Duterte iti ahensya.
Segun ken ni Presidential Communications Office Sec. Cheloy Garafil, agtalinaed a DepEd Secretary ni Duterte agingga Hulyo 18.
Maipalagip nga impasa ni Duterte ti resignation-na idi June 19 ken nangted ti 1-month notice isu nga epektibo ti panagikkatna iti pwesto inton Hulyo 19.
Saan pay laeng a nakipaset ni Angara iti maika-sangapulo ket pito a cabinet meeting idiay Malakanyang nga indauluan ni President Ferdinand Marcos Jr.
