![](https://trend.slink.ph/wp-content/uploads/sites/11/2024/06/SILI-266x150.jpg)
Maysa nga ama idiay Singapore, nabalud kalpasan a pwinersa na a pinakan ti sili ti anak na nga agtawen ti uppat
![](https://img.bomboradyo.com/laoag/2024/06/SILI.jpg)
LAOAG CITY – Pudno ti pagsasao a ti panagbabawi ket kanayun a maud-udi.
Daytoy ti napasamak iti maysa nga ama idiay Singapore kalpasan a dinisiplinaan na ti anak na a lalaki iti saan nga umiso a wagas ken nangitunda ti pannakaibalud na ti walo a bolan.
Naamoan a pwinersa ti ama a pakanen ti sili ti agtawen ti uppat nga anak na gapu ta nagswitik ti ubing.
Nupay kasta, ti maysa a pedaso a sili ket bimmara iti air passage ti ubing a nangitunda ti pannakapukaw ti poot na ken nakatayan na.
Immuna iti daytoy, nadlaw ti ama a nagrugit ti ubing idinto a sinurwan dan daytoy nga ibaga na kadakuada no agusar ti toilet, ken idi saludsuden ti ama no nagrugit ket nagswitik daytoy isut gapuna a napanunot na a dusaen babaen ti panangpakan na ti sili.