Mario Bautista
VIGAN CITY – Mapukpukaw ni Dennis Del Monte Lamorena, agtawen iti limapulo, adda parikut ti panagpampanunotna, taga-Barangay Rizal, Tagudin, Ilocos Sur.
Inreport ni Richard Del Monte Lamorena, agtawen iti uppat a pulo ket siam, utility aid, taga-Barangay Ranget, Tagudin a mapukpukaw ti kabsatna kadagiti pannakabagi ti linteg.
Segun ken ni Richard, idi agawid ti kabsatda a ni Clifford Del Monte Lamorena, naduktalanna nga awan ti kabsatda a ni Dennis isu a nagpakaammoda kadagiti nakaduty nga opisial ti barangay ket pinadasda a sapulen ngem saanda a nagballigi.
Ti mapukpukaw ket naudi a nakita a nakasuot iti green T-shirt nga adda California markingsna, 5’3 ti katayagna, kalalaingan ti pammagina, brown ti kudilna ken black/white ti buokna.
