Chinese Coast Guard, linapdanda ti maysa a Taiwanese fishing vessel ken inpan iti Mainland China
Mario Bautista
Kinumpirmar ti Taiwanese maritime authorities a linapdan ti dua a Chinese vessels ti maysa a Taiwanese fishing vessel a Tachinman 88 idi kalman nga asideg iti Kinmen archipelago, bassit laeng ti distansyana manipud iti kabaybayan ti China ngem kontrolado daytoy ti Taiwan
Naglugan dagiti tao ti Chinese coast guard iti bangka ti Taiwan sada inpan iti mainland China
Sigod met a nangideploy ti Taiwan ti tallo a barko tapno irescue ti Tachinman 88 ngem ti maysa kadakuada a nakaasideg iti fishing boat ket linapdan ti Chinese boats ken binagaanda a saanda a makibiang
Napilitan nga insardeng ti Taiwan ti panangrescue tapno maliklikan ti tensyon ta nadetect ti Taiwan maritime authorities nga adda uppat pay a Chinese vessels a paumay iti direksyonda
Basar ti pakaammo, adda ti innem a crew a nakalugan iti bangka a buklen ti kapitan ken lima a migrant workers.
Maipalagip nga idi bulan ti Pebrero iti agdama a tawen ket pinainget ti China ti panagpatrolya iti nadakamat a kabaybayan kalpasan a nalned ti dua a mangngalap a Chinese idi kinamat ti Taiwanese Coast Guard iti kabaybayan a paset ti Kinmen
