![](https://trend.slink.ph/wp-content/uploads/sites/11/2024/06/ASUKAR-267x150.jpg)
Agarop 200 ribo a metriko tonelada nga asukar, plano nga angkaten ti Pilipinas intono Setyembre ita a tawen
![](https://img.bomboradyo.com/laoag/2022/07/ASUKAR.jpg)
LAOAG CITY – Agangkat manen ti Pilipinas ti saan a nababbaba ngem 200,000 a metriko tonelada a refined sugar intono Setyembre ita a tawen.
Gagem daytoy a mapunuan ti manamnama a panagkurang ti suplay sakbay ti harvest season iti pagilian.
Segun ken ni Department of Agriculture Secretary Francisco Tiu Laurel, possible a bumaba ti supply ti refined sugar apaman a madanun ti Agosto ken Setyembre ti agdama a tawen.
Inlawlawag met ni Sugar Regulatory Administration administrator Pablo Azcona a ti importation program ti Department of Agriculture ket paset ti agdama a crop year’s Sugar Order.
Iti babaen daytoy, dagiti pre-qualified importers ket mapalubusan nga agangkat ti asukar no gumatang dagitoy manipod kadagiti local producer.