![](https://trend.slink.ph/wp-content/uploads/sites/11/2024/07/FORMER-PRES-RODRIGO-DUTERTE-scaled-267x150.jpg)
Dati a Pres. Duterte, saan nga agpaidasig ti kina-senador inton 2025
![](https://img.bomboradyo.com/vigan/2024/07/FORMER-PRES-RODRIGO-DUTERTE-scaled.jpg)
Pinasingkedan ni dati a Presidente Rodrigo Duterte nga awan ti planona nga agpaidasig inton 2025 Senate race uray immunan nga imbaga ni Vice President Sara Duterte a tumaray karamanen dagiti kakabsatna a da Davao City Rep. Paolo Duterte ken Mayor Sebastian Duterte para ti kina-senador.
Segun ken ni Duterte, saan a rumbeng a patienda ti bise presidente ta awan kinaagpaysu ti imbagana.
Kinuna ti dati a presidente a saanen nga agpaidasig pay iti aniaman a posisyon iti politika.
Iti agdama ket agtaltalinaed ti dati a presidente ken Davao City Rep. Paolo Duterte iti nagbaetan ti Top 12 ti senatorial preferential surveys.