Pannakasarak dagiti adu nga ilegal a droga iti kabaybayan iti Ilocos, posible a propaganda – Rep. Barbers
Mario Bautista
Pinasingkedan ni Surigao del Norte 2nd District Rep. Robert Ace Barbers a posible a paset ti plano a mangdadael ti adminsitrasyon ni President Ferdinand Marcos Jr. ti pannakasarak dagiti adu a pakete iti ilegal a droga iti kabaybayan iti Ilocos region.
Segun ken ni Barbers, posible a propaganda ti mapapasamak tapno mapanunot iti kaadoan nga agraira ti droga ket target ti presidente ta dimmakkel idiay Ilocos Norte.
Kinuna pay ni Barbers a posible a naigagara a naitinnag wenno diversionary tactic ti mapapasamak.
Umabot pitopulo ket siam a pakete a naglaon iti ilegal a droga ti nadiskubre a tumtumpaw iti kabaybayan manipod idi napan a lawas.
