abyasa
LAOAG CITY – Saan paylaeng a mamati ti aktres a ni Jessy Mendiola nga agsublin iti showbiz kalpasan ti lima a tawen a panaginana na gapu iti pandemya gubuay ti covid-19 ken ti panagasawa da ken ni Luis Manzano.
Inbatad ni Jessy a panagrikna na ket saan pay a nakasagana ngem maragsakan gapu iti kinabara ti panangsarabo kenkuana dagiti boss da iti Kapamilya network.
Naiyuswat ti contract signing ni Jessy para iti panagsubli na iti Kapamilya Network idi Martes, Hulyo 2, 2024.
Saan met a nalipatan ni Jessy ti nagyaman iti asawa na gapu iti suporta nga ipapaay na iti panagsubli na iti showbiz.
Innayon na nga uray ti katugangan na a ni Star for All Seasons Vilma Santos ket napalalo ti ragsak na iti panagsubli na iti showbiz gapu ta mamati nga ado pay ti maaramidan na para iti karera na.
Mangnamnama ni Jessy a maaddaan da ti proyekto iti asawa na gapu ta daytoy ti maysa nga arapaap na.
Mainaig iti daytoy, inpasingked ni Jessy a no aggiddan a maaddaan da ti proyekto ken ni Luis ket siguradwen da nga agasawa a nakatutuk dagiti angels da iti panangasikaso iti anak da a ni Isabella Rose Tawile Manzano wenno Peanut.
