Ben Madilynn
Nangulata og punoan sa usa ka saging, gidunggab-patay sa tag-iya niini sa Sityo Tinago, Barangay Poblacion, sa lungsod sa Amlan, lalawigan sa Negros Oriental.
Ang biktima giilang nga si alyas Kim, 23, ulitawo, ug taga Barangay Matobato, lungsod sa Bindoy, Negros Oriental, alas 9:58 sa gabii, Martes, Hunyo 26, 2024.
Samtang ang suspek giila nga si alyas Genebert, 33, ug ga taga Sityo Nalundan, Barangay Bindoy, Negros Oriental, nga kasamtangang nagtrabaho sa litsonan og manok sa Amlan, Negros Oriental.
Sa interview sa Superbalita Cebu ngadto ni P/Staff Sgt. Niño Ridaza, ang Investigator on case sa kapulisan sa Amlan, ang biktima hubog ug gikulata niini ang tinanom nga saging sa suspek ug didto dihang nakita sa naulahi, iyang gidunggab kini sa tiyan.
Ang biktima gidala sa tambalanan apan gideklarar nga dead on arrival (DOA). Nabawi gikan sa suspek nga nasikop ang kutsilyo nga gigamit sa maong pagpangdunggab.
Ang suspek nialigar nga iya pang gibuyag ang biktima apan wa magpatuo mao nga napugos siya sa pagdunggab niini. / DVG
