Ben Madilynn
Isa sa pinakamasaya at pinakamakatindig-balahibong awit ni Andrew E. ay ang “Banyo Queen” na nakapaloob sa album na Wholesome (1999).
Ah-ah! Uhm-uhm! Isinapelikula iyon noong 2001 at pinagbidahan nila ni Rica Peralejo.
Ang pangatlong berso ng awit, “Kami ay nagtatawanan at nagkukuwentuhan/ At doon sa sofa kami ay naglalampungan
“Ang ginaw, para akong nasa Roppongi/ Pinatay niya ang ilaw, then binuksan ang VCD
“Doon sa kanyang kama, kami ay nahiga/ Ako ay nagulat at ako’y nabigla/ Ako’y nanginginig, pawis na pawis
“Tinutok ko, pinasok ko, and boy, walang daplis/ At ang sabi niya sa ‘kin, ‘Ah, uh, ah, ah Andrew! Andrew! Sige pa, sige pa!’
“Tumagilid, tumihaya, lumuhod at dumapa/ Nang matapos na kami, ang sabi niya sa ‘kin, ‘Shit, isa pa nga!’”
Patok pa rin hanggang ngayon ang “Banyo Queen” sa mga Millennial, Gen Z, at Gen Alpha.
For sure, kakantahin ni Andrew E. ang “Banyo Queen” sa first major concert niyang 1Time For Your Mind na gaganapin sa Disyembre 11, 2024, sa New Frontier Theater, Cubao, Quezon City.
THE INSPIRATION OF “BANYO QUEEN”
Ano ba ang inspirasyon ni Andrew E. sa likod ng Banyo Queen?
“Number one, I did the song ‘Banyo Queen’ at a point in time of my life na I was so lonely,” pagtatapat ng veteran rapper nitong Hunyo 23, 2024, Linggo, sa Golden Ballroom ng Okada Manila, Parañaque City.
“Imagine mo na me creating a happy song na hanggang ngayon, ginagawang, you know, happy-mood song ng partygoing people, ng lahat.
“Kung sino man yung tinutukoy natin na around this time. E, sa sobrang saya nila, in reverse, ginawa ko yon sa sobrang lungkot ko.
“And the year was 1998 when I was single, nobody, I was alone in a country where… Japan happens to be a country that, you know, needs to be entertained.
“Kasi malungkot din ang Japan, di ba? So, imagine mo yon, ginawa ko yon at a time of, like, December. It was around December — so, very monumental yung December na show natin.
“So, kumakain ako sa ano, sa Charleston & Son [Pizzeria], yun ang number one pasta house sa Roponggi, sa Tokyo.
“And then nung kumakanta ako… lumabas ako kasi tiningnan ko yung boss ko kung susunduin na ako sa restaurant.
“Nung nalaman kong hindi pa niya ako susunduin, lumabas ako sa parking lot. And then, sa parking lot, may I tell you, mayroong isang matanda.
“An old person. Maybe around 75 pataas. Nagpupulot lang siya ng mga cardboard sa kalye.
“Kasi sa Japan, yun lang ang matatagpuan mo, e. Malinis ang Japan, walang kalat, pero yung mga cardboard, yung mga boxes ng cardboard, kino-collect yon.
“Bakit? Kasi December time, napakalamig. So, yung mahirap na mama na yon na Japanese, gumagawa ng bahay.
“Meaning out of cardboard, para to keep him warm, di ba? Habang dumadampot siya, tinabihan ko siya.
“Meron siyang hawak na transistor radio na maliit. And then binuksan niya… matanda na siya… nagdadampot siya ng mga cardboard sa parking lot nung kinakainan kong Charleston & Son.
“Tumugtog iyong isang kanta na ‘Stand By Me.’”
Ang “Stand By Me” ay unang inawit ng American singer-songwriter na si Ben E. King noong 1961.
Ginamit itong theme song ng pelikulang kapareho ang title, ang coming-of-age drama na Stand By Me (1986). Bida roon ang mga binatilyo pa lang na sina Wil Wheaton, River Phoenix, Corey Feldman, at Jerry O’Connell.
Mahigit 400 ang recorded versions ng kantang “Stand By Me,” na naglalaman ng lyrics na, “When the night has come/ And the land is dark/ And the moon, is the only, light we’ll see
“No I won’t, be afraid/ No I won’t, be afraid/ Just as long, as you stand, stand by me “So darlin’, darlin’ stand, by me/ Oh-oh stand by me/ Oh stand, stand by me, stand by me…”
FROM SADNESS TO HAPPINESS
Pagpapatuloy ni Andrew E., “So I figured out to myself na… “Stand By Me,” narinig ko yung melody, then narinig ko yung chorus. When the night has come, whatever… ahh stand by me.
“So, para bang kahit anong mangyari, kahit anong lungkot mo, ‘Huwag kang lalayo sa akin. Stand by me.’
“So binaligtad ko yun! Kasi, parang ang tinutukoy ng transistor niya is siya mismo. Na huwag akong lalayo sa kanya. Nung pinatugtog yun.
“So, parang na-figure out ko na kung yung mama na yon na sobrang lungkot at sobrang mag-isa sa buhay na dumadampot ng cardboard, ako yung parang nasa tabi niya na, ‘Stand by me.’
“So, binaligtad ko ngayon. Tinulungan ko siya sa cardboard, and nung nailagay na niya sa cart niya, sa kariton niya, umalis na siya.
“Then bumalik ako sa Charleston, sa loob ng pasta house. Then I started contemplating on the song.
“OK, let’s create the happiest song that I ever will be, yon, crineate ko yon. Dun sa mismong pasta house. Stand by me, along that melody.
“So, dun nagawa ko. Kaya hindi mo mararamdaman sa kanta ngayon, kung sinabi mo yon na… ‘Ako’y nasa Malate, alas siyete ng gabi.’
“Of course, yun yung story ko na. But then, the point is, hindi mo mararamdaman yung lungkot ko dun.
“Kasi binaligtad ko yun, e. Na kapag nalulungkot ka, patugtugin mo lang itong kanta na ito, liligaya ka.
“And that happened after so many years, hanggang ngayon nangyayari. Kaya yun yung prowess nun.
“Yun yung power ng kanta na yun. Stand by me.”
REVERSE EFFECT OF “BANYO QUEEN”
Nakilala si Andrew sa rap songs na pilyo at may double meaning. Hindi pala kaharutan lang ang “Banyo Queen”?
“No! Pero siyempre interjecting that kind of ano for the Filipino para ma-entertain din on the other side,” pagmamatuwid ni Andrew E.
“Pero ang totoo nun is, yung ‘When the night has come at pinatay ang ilaw, oh madalas lumalabas, Banyo Queen.’
“Ibig sabihin nun, yung nagpapaligaya sa yo. Na akala mo, wala. Yun yun! Lumalabas yung nagpapaligaya sa yo.
“So in reverse, yun yung pag malungkot ka, play this song, lalabas yung kaligayahan mo.”
Sa puntong ito ng kanyang buhay at career, nalulungkot pa ba siya? Anu-ano o sinu-sino ang nagpapaligaya sa kanya?
Napangiti nang matamis si Andrew E., “Bukod sa asawa ko, siyempre yung mga anak ko ang talagang tunay, ‘no.
“At nasa kanila bumubuhos ang aking inspiration every day in life, and for me, seeing them, together with them, being with them — palagi, yun ang strive ko in life to attain more achievements.
“Para sa akin kasi, yung achievement ang pinakamahalaga sa buhay ng tao.
“Like, I’ve found out so many years ago, maybe four decades ago, na yun lang ang tanging bagay — for me, I’m not saying to everyone.
“But for me, yun lang ang tanging bagay na… kahit tatanda ka sa larangan na ito, yun pa rin ang isa sa mga malalaking bagay na nakalaan sa yo to achieve.
“Achievements. Hindi mauubos. Hindi mauubos kaya kung babalikan natin yung mama na dumadampot ng cardboard sa kalye, ganun din ang happiness niya.
“Kasi, ang feeling niya, kahit tumatanda na siya, hindi nauubos ang cardboard sa Japan. Hindi mauubos.”
