![](https://trend.slink.ph/wp-content/uploads/sites/11/2024/07/VACCINE-VS-DENGUE-267x150.jpg)
2nd generation ti bakuna kontra dengue, posible a maaprubaran ita a tawen
![](https://img.bomboradyo.com/vigan/2024/07/VACCINE-VS-DENGUE.jpg)
Posible a maaprubaran ita a tawen ti 2nd generation ti bakuna kontra dengue iti Pilipinas.
Segun ken ni Health Secretary Ted Herbosa, 2023 pay laeng idi nag-apply ti Certificate of Product Registration para ti bakuna a Q-denga ti Japanese vaccine manufacturer a Takeda.
Masansan nga agpaut ti makatawen ti panagadal ken panagaprubar ti Food and Drug Administration (FDA) iti bakuna isu a posible a nairuaren ti Certificate of Product Registration ti dengue vaccine ita 2024.
Kinunana tapno masolusyonan ti dengue ket masapul ti vector control wenno panagkissay kadagiti lamok nga adda dengue-na kangrunaan nu dengue season ita a panagtutudo.
Makikamkammayet ti DOH iti Wolbachia program para ti methodology nga araramaten iti sabali a pagilian.