Zamar gibuhian sa Northport human maayo sa ACL

Makabalik na unta sa korte si Paul Zamar gikan sa rehabilitation ug pagpahuway tungod sa injury, apan gisugat siya og lahi nga balita iyang team nga Northport Batang Pier.

Si Zamar, ang midaog sa Samboy Lim Sportsmanship award sa Season 48 Leo Awards sa miaging tuig, nipailawon og siyam ka buwan nga rehabilitasyon tungod sa ACL injury.

“Pinayagan na ako ni Doc (George) Canlas na bumalik sa practice. Sabi niya ‘yung recovery ko very good kasi walang setback, walang maga, wala akong naging problema sa muscles, walang sumasakit. So he cleared me to go back to practice na,” matod ni Zamar, anak ni San Miguel deputy coach Boycie Zamar.

Apan ang iyang kalipay nga mobalik sa court napalong dayon sa balita nga gihatag sa Batang Pier management.

“Sinabihan ako na hindi na ako ire-renew ng kontrata,” pulong ni Zamar pagkahuman sa ilang kapildihan batok sa TNT, 94-70, sa PBA Philippine Cup niadtong Biyernes sa Smart Araneta Coliseum.

Nahuman ang iyang kontra kagahapon, Mayo 31.

Gawas kang Zamar, si rookie guard Agem Miranda wala na usab gi-renew sa team. / RSC