Ben Madilynn
Very proud si Xian Lim sa girlfriend at film producer na si Iris Lee.
Sa Instagram ngayong gabi ng Huwebes, July 4, 2024, ipinagsigawan ni Xian sa buong mundo ang pagiging talented ni Iris at ang labis na pagmamahal nito sa kanyang trabaho.
Si Iris ay associate producer sa Viva Films at isa ring aspiring screenwriter.
XIAN LIM: “To more films with you.”
Sa Instagram post ni Xian, ibinahagi niya ang ilang larawan na kuha sa premiere night ng Kuman Thong, ang pelikulang idinirek ni Xian at pinagtutulungan nilang isulat ni Iris.
Si Iris din ang associate producer ng horror film na palabas na nagbukas sa mga sinehan noong Miyerkules, July 3.
Photo/s: Courtesy: Instagram
Ginanap naman ang premiere night ng pelikula sa SM North Cinema, sa Quezon City, noong Lunes ng gabi, July 1.
Bukod sa kuhang mga larawan sa premiere night, sinamahan din ito ni Xian ng ilang larawan nila ni Iris habang nasa filming stage ng pelikula sa Thailand.
Nagbigay-pugay si Xian sa kasintahan dahil sa malaking bahagi nito sa kanilang pelikula.
Mensahe niya kay Iris: “To this talented, overly passionate human being.
“Hardworking is an understatement when it comes to the effort you put in all your projects, may it be with me or all the great directors you have worked with.
“Our [film emoji] would not be the way it is now if it weren’t for you juggling the logistics in the [Philippine flag] and [Thiland flag] plus the creative side of Kumanthong.
“When all seemed impossible, you believed, pushed, carried everyone and went through great lengths and created magic. To more films with you @iris.lee“
IRIS LEE TO XIAN LIM: “NAILUWAL NATING LAHAT ANG BABY MO…”
Nagkomento naman si Iris sa post ni Xian.
Ayon sa kanya, nailuwal nilang lahat ang “baby” ni Xian dahil sa enerhiya nito.
Masaya rin daw kasama ang boyfriend sa paggawa ng pelikula.
Buong komento niya, “Thank you! Congratulations again to us, the actors, and the whole team.
“Nailuwal nating lahat ang baby mo because of your infectious creative energy and childlike enthusiasm.
“Ang saya lang gumawa ng pelikula with you,despite any struggle. You are a true leader and artist. Keep on shining Direk @xianlimm! To more magic together”
