Ben Madilynn
Xian Gaza Nagpapakita ng Suporta kay Leni at Kiko: “Tumitindig ako Hindi para sa Personal na Interes”
– Kamakailan lamang ay nag-update si Xian Gaza ng kanyang profile picture na may pink-colored frame
– May text din na nakalagay na “Marites for Leni-Kiko” bilang suporta sa tambalang Leni Robredo-Kiko Pangilinan
– Naglagay din ng mahabang caption ang influencer at negosyanteng nagpapahayag ng dahilan kung bakit siya sumusuporta kay VP Leni
– Sinabi niya na ginagawa niya ito hindi para sa kanyang personal na interes kundi para sa mga sektor na nasa laylayan
Si Xian Gaza ay kasalukuyang viral matapos niyang i-update ang kanyang profile picture.
Ang kanyang bagong profile photo ay may pink-colored frame na may text na “Marites for Leni-Kiko.”
Sa kanyang mahabang caption, sinabi ni Xian na sumusuporta siya kay VP Leni Robredo hindi para sa kanyang personal na interes.
“Kahit sinuman ang manalong pangulo, it doesn’t matter to me. Wa’epek ito sa aking buhay. I’m an overseas Filipino businessman domiciled in United Arab Emirates and in the Kingdom of Thailand. Kahit si Sen. Bongbong Marcos ang maging pangulo, mananatili akong milyonaryong negosyante livin’ the good life sa iba’t-ibang bahagi ng mundo. I will gain nothing from VP Leni’s win. Tumitindig ako not for my personal interest unlike ng Iglesia Ni Cristo.”
Ayon sa influencer at negosyante, sumusuporta siya sa babaeng naghahangad ng pagkapangulo para sa mga sektor na nasa laylayan.
“Ang pagtindig kong ito ay para sa mga Pilipino na nasa laylayan ng lipunan na ang buhay at kinabukasan ay heavily dependent sa performance ng ating gobyerno, kasama na dito ang milyung-milyong BBM supporters dahil ang laban na ito ay para sa bayan at walang pinipiling political color.”
Sinabi pa niya, “Binabawi ko na yung sinabi ko 3 months ago. Hindi na sure win ngayon si BBM. Malaki na ang chance ni Leni Robredo. Mga kababayan, may pag-asa na tayong manalo.”
“Kung sakali man na hindi siya palarin ngayong Mayo, at least kaya kong ipagmalaki sa lahat at sa aking mga anak na sa kabila ng mga nagawa kong pagkakamali sa buhay, once upon a time, si Xian Gaza ay tumindig para sa tama and that is something that I will never regret for the rest of my life.”
“May God bless our beloved nation. Mabuhay ang Pilipinas!” aniya.
Si Xian Gaza ay isang kilalang social media influencer at negosyante. Siya ay kilalang-kilala sa kanyang mga marangyang date proposals sa mga celebrities. Si Xian ay naging trending online matapos imbitahan si BlackPink’s Jennie sa isang date gamit ang billboards sa Pilipinas at Korea.
Si Xian ay gumamit ng social media upang sumulat tungkol sa mga darating na pambansang halalan. Nilahad ng negosyante at influencer sa kanyang mahabang post sa Facebook ang kanyang saloobin patungkol sa mga mahihirap. Sinabi ni Xian na ang mga Pilipinong mahirap ang mga dapat na seryosohin ang eleksyon sa May 9. Binigyang-diin din niya na ang mga mayaman ay hindi talaga umaasa sa gobyerno.
Sinabi rin ni Xian sa isang post sa Facebook na minsan ay napahiya siya ni Mommy Pinty, ang ina nina Toni at Alex Gonzaga. Ayon kay Xian, nangyari ito nang bigla na lang makita niya at ng kanyang “Sugar Baby” si Alex, Mommy Pinty at Daddy Bonoy sa loob ng isang café sa Singapore noong Enero 2020. “Bad trip ako diyan eh,” sabi ni Xian tungkol kay Mommy Pinty.
Pinagmulan: KAMI.com.gh
