abyasa
LAOAG CITY – Ginutigot ni United States President Joe Biden dagiti residente ti Florida nga agibakwiten sakbay iti iduduprak ti Hurricane Milton.
Inbatadna a nakataripnongna dagiti senior leader ti administrasion ken napagnunumoanda ti panangibakwit kadagiti maseknan a residente.
Inlawlawagna nga ibilangda a kapipigsaan ti nasao a bagyo iti uneg ti 100 a tawen.
Kinondenar met ni Biden ti inaramid a pammabalaw ni dati nga United States President Donald Trump iti maipagarup a nabayag a panagresonde ti federal government tunggal adda ti mapaspasaran a bagyo idiay Estados Unidos.
Inawagan pay ni Biden a maysa nga “un-American” ti rakurak ni Trump gapu ta saan a makatulong kadagiti maapektaran ti bagyo.
