Uppat nga indibidual, natay kalpasan iti napasamak a pammaltog iti maysa a pagtaenga iti Kentucky

LAOAG CITY – Uppat nga indibidual ti natay idinto a tallo ti nasugatan iti napasamak a pammaltog iti maysa a pagtaengan iti Northern Kentucky.

Segun iti city police chief, nakanggeg pay laeng dagiti otoridad iti putok ti paltog manipud iti pagtaengan no sadinno nasarakanda dagiti pito a biktima.

Gapu iti daytoy, naitaray iti ospital dagiti tallo a nasugatan, no sadinno nagtalinaed a nasayaat ti kasasaadda.

Nupay kasta, nasarakan ti suspek nga agtawen ti 21 nga agmanmaneho iti asideg ti US Route 42 no sadinno a kinamat daytoy dagiti otoridad  ket nadungparna lugan iti kanal.

Kabayatanna, natakuatan dagiti otoridad a nagsagaba ti suspek iti self-inflicted gunshot wound ken naideklara natay iti lokal nga ospital.