abyasa
LAOAG CITY – Inadmitir ni Mrs. Maxima Raquini, ina ti mangimatmaton iti pagbilyaran iti Brgy. 21, San Marcos iti ili ti Sarrat nga awan pay ti permit a mangipalubos iti panagay-ayamda ti billiards.
Segun kenkuana, daytoy ket kalpasan a manarimaan pay laeng ti pannakaipagna dagiti kasapulan a requirements ken documents para iti daytoy.
Inbatadna a ti laeng ub-ubraenna ket mapan agdalus iti pagbilyaran ken saanna a direkta a nasungbatan no adda ti agpipinnusta.
Inlawlawagna nga adda met ti panangibagbagana kadagiti agay-ayam ti billiards a naiget a maipawil dagiti agpupusta.
Innayonna a gapu iti napasamak ket naiget ti pammilinna kadagiti annakna nga isardengen ti panagay-ayamda ti billiards.
Maipalagip a maladingitan ni Brgy. Chairman Reynaldo Malaqui ti Brgy. 21, San Marcos iti ili ti Sarrat kalpasan a karaman dagiti dua a Barangay Kagawadna kadagiti innem nga indibidual iti iligal a panagsusugal babaen iti panagay-ayamda ti billiards.
