Mario Bautista
Nasarakanen ti bangkay ni Virgilio Madriaga Pamo, agtawen iti limapulo, agnaed iti nasao a lugar a masapsapul idi kalman gapu iti pannakayanudna iti irigasyon idiay Barangay Panay Norte, Magsingal, Ilocos Sur.
Ti pannakasarak ti biktima ket babaen dagiti agindeg ken kakabagyanda babaen metten ti tulong ti Philippine Coast Guard ken Ilocos Sur Provincial Disaster Risk Reduction and Management Council iti katengngaan ti irigasyon.
Maipalagip a ti biktima ket magmagna kadua ti asawana a ni Vanessa Pamo idin ta timmapog iti irigasyon tapno ikkaten ti kawayan a simmallat iti pagayusan iti danum ngem gapu iti kapegges ti danum ket nayanud ti biktima.
Pinadas pay ti kayongna a ni Arman Torquato nga isalakan ti biktima ngem saan a nagballigi.
