United States missile system, nakita ditoy probinsia

LAOAG CITY – Nakita ditoy probinsia ti missile system ti Estados Unidos a nakaawis iti atension ni Russian President Vladimir Putin.

Segun iti United States Army Pacific Command a naaramat ti Typhon Mid-Range Capability (MRC) missile system kabayatan ti bilateral army drills a naawagan iti “Salaknib” idi napan a Hunio 27 iti maysa a military base ditoy siudad ti Laoag.

Idi laeng Huebes ket pinasingkedan ni Army spokesperson Col. Louie Dema-ala a ti sistema ti missile ket adda laeng iti amianan a paset ti Luzon.

Ti ground-based missile system, a makabael a mangpaputok kadagiti Tomahawk ken SM-6 missiles, ket simmangpet ditoy pagillian idi Abril 11, no sadinno a nausar daytoy kabayatan ti Balikatan Exercises.

Kinuna ni Dema-ala a maikkat dagiti missile manipud iti pagilian inton Setiembre, ngem napaliiwna a daytoy nga addang ket saan a mainaig kadagiti proklamasion ni Putin.

Innayonna pay nga idi Hunio 27 ti maudi nga aldaw ti Salaknib drills, no sadinno nga iti agdama ket mannarimaanen ti panag-empake ti US Army.

Maipalagip nga idi napan a lawas, kinuna ni Putin nga ituloy manen ti Russia ti panagpataud kadagiti intermediate ken shorter-range nuclear-capable missiles, ti Estados Unidos kadagiti mid-range missile systems iti Pilipinas.

Kabayatanna, awan pay ti nagbalin a  komento ni Col. Francel Margareth Padilla, spokesperson ti Armed Forces of the Philippines iti nasao nga isyu.