Mario Bautista
Balligi a nadepensaran ni UFC light heavyweight world champion Alex Pereira ti titulona iti maikatlo a gundaway ta pinanabtuogna ni Khalil Rountree Jr iti UFC 307 main event idiay Delta Center, Salt Lake City, Utah.
Damo pay laeng ket agresibon ni Rountree ngem kalmado met ni Pereira.
Apagserrek iti Round 2 ket nakarugi ni Pereira a mangdanog iti kalabanna ket gapu iti nakaro a dunor ni Rountree iti maikapat a rikos ket impasardeng ti referee ti laban.
Addan sangapulo ket dua a pangabak ken dua nga abak ni Pereira idinto a ni Rountree ket adda iti sangapulo ket uppat a pangabakna ken innem nga abak.
