Ubbing a maipagarup a dandani a makidnap iti paset ti Cotcot, Bangao Buguias Benguet, maimimbestigaran
Ben Madilynn
Manarimaan ti imbestigasion dagiti maseknan nga otoridad iti Municipyo ti Buguias, kalpasan ti mapapati nga insidente ti kidnapping iti paset ti Cotcot, Bangao Buguias Benguet ita nga aldaw.
Maibasar iti social media post ti maysa a concerned citizen, maysa nga ubbing nga agilaklako iti Balot ti dandani nga ilugan ti maysa nga indibidual a nakalugan iti Van.
Addaan daytoy iti kadwa a dua lallaki a nakaiggem iti lupot a nangkamat iti nasao nga ubbing.
Nupay kasta, nakataray ti ubbing ken adda itan iti natalged a kasasaad.
Iti agdama, agtultuloy ti panakikoordinar ti Bombo Radyo Baguio kadagiti maseknan nga otoridad ken indibidual iti nasao a lugar para iti kanayunan a detalye.
Kabayatanna, mabalballaagan ti publiko, nangruna iti nasao a lugar a bantayanda a nasayaat dagiti ubbingda gapu iti nasao nga insidente.//mp4
