Ben Madilynn
– Isinilang na ni Toni Fowler ang kanilang anak ni Vince Flores na si Baby Tyrone
– Makikita sa teaser ng susunod na episode ng kanilang reality show ang kagalakan ni Vince dahil kamukhang-kamukha raw niya ang kanilang anak
– Maraming fans ang nag-aabang na makita ang mukha ni Baby Tyrone sa susunod na episode
– Emosyonal ang panganay na anak ni Toni na si Tyronia at ang kapatid niyang si Mari Fowler nang makita ang bagong miyembro ng pamilya
Isinilang na ni Toni Fowler ang kanilang anak ni Vince Flores, ayon sa teaser na ipinakita sa pinakabagong episode ng kanilang reality show. Sa video na ibinahagi ni Toni, hindi pa napapanood ang buong panganganak, ngunit inaasahang mapapanood ito sa susunod na episode.
Source: Youtube
Base sa nasabing teaser, makikita ang labis na kasiyahan ni Vince sa kanilang anak na si Baby Tyrone, at ayon sa mismong mga doktor, kamukhang-kamukha raw ito ni Vince. Maraming fans ang sabik na makita ang mukha ng sanggol sa susunod na bahagi ng kanilang programa.
Maging ang panganay na anak ni Toni na si Tyronia ay hindi rin napigilang maging emosyonal sa pagkakaroon ng bagong kapatid, dahil matagal na niyang pinapangarap ang pagkakataong ito. Ganito rin ang reaksyon ng kapatid ni Toni na si Mari Fowler, na makikitang umiiyak nang masilayan ang kanyang pamangkin.
Si Toni Fowler ay isang kilalang content creator, YouTuber, at social media influencer sa Pilipinas na nakilala dahil sa kanyang matapang na personalidad at pagiging bukas sa kanyang mga karanasan at opinyon. Sumikat siya sa social media, lalo na sa YouTube, kung saan ibinabahagi niya ang kanyang pang-araw-araw na buhay, mga pagsubok, at mga opinyon sa iba’t ibang isyu.
PAY ATTENTION: Follow us on Instagram – get the most important news directly in your favourite app!
Matatandaang idinaan ni Toni Fowler sa isang TikTok video ang biro tungkol sa pakikipag-break niya kamakailan kay Vince Flores. Sa kanyang binahaging TikTok video makikita si Toni na sumasayaw na kinalaunan ay sinabayan ni Vince. Matatandaang matapos ihayag ni Toni kamakailan ang paghihiwalay nila, marami sa kanilang fans ang nalungkot. Gayunpaman, hindi nagtagal at sinabi ni Vince na nagkaayos lang sila at dala lang ng pagbubuntis ni Toni ang mataas na emosyon nito.
Binahagi din ni Toni ang throwback pictures niya kasama sina Nash Aguas at Mika Dela Cruz. Ito ay upang batiin sila sa kanilang pagpapakasal nito lamang nagdaang Saturday, 18 May sa Tagaytay. Ani Toni, ang pictures nilang iyon ay noong panahong tuwang-tuwa sila sa kanya dahil si Toni ang nagtuturo ng dance steps nila sa guesting nila sa It’s Showtime. Aminado din si Toni na dahil dito ay pakiramdam niya ay ang tanda niya na.
