Tom Rodriguez, ibinida ang kanyang ‘quiet joy’ sa likod ng spotlight

– Inilabas ni Tom Rodriguez sa kauna-unahang pagkakataon ang mga larawan mula sa isang family pictorial na kuha ng @bundleofjoystudioph

– Sa kanyang caption, inilahad ni Tom na ang hakbang na ito ay hindi tungkol sa pagtatago ng kanyang personal na buhay

– Ibinahagi rin ng aktor na ang kanyang pamilya ang nagsisilbing tahanan, kapayapaan, at paalala ng kanyang tunay na sarili sa gitna ng mga papel na ginagampanan niya sa industriya ng showbiz

– Umani ng positibong reaksyon mula sa netizens ang larawan at mensahe ni Tom, na tila nagmarka ng isang panibagong yugto sa kanyang buhay bilang mas introspective at grounded na indibidwal

Tahimik ngunit matindi ang naging pasabog ni Tom Rodriguez kamakailan matapos niyang ibahagi sa social media ang ilang larawan mula sa isang family pictorial.

Sa isang makahulugang caption, ibinahagi ng aktor ang kanyang paninindigan sa pagprotekta sa mga bagay na may malalim na kahulugan para sa kanya—ang kanyang pamilya. Sa mga litratong kuha ng @bundleofjoystudioph, makikita ang isang masayang Tom kasama ang mga mahal niya sa buhay, na hindi kailanman isinapubliko noon.

“Some treasures in life are too sacred to put on full display. This isn’t about hiding…it’s about holding.”

“Holding close what grounds me. What restores me. What reminds me of who I am beyond the lights, the noise, and the roles I play.”

“This family of mine is my sanctuary…My peace. And in a world that often demands a performance, they are where I’m most real.”

Bakas sa bawat salita ang lalim ng pagmamahal at pagpapahalaga ni Tom sa kanyang pamilya, at kung paano ito naging sandigan niya sa gitna ng mga pagsubok sa kanyang personal at propesyonal na buhay. Sa dami ng pinagdaanan ng aktor nitong mga nakaraang taon, tila isang uri ng paghilom ang kanyang naging hakbang na ito—isang pagpapatunay na mas pinipili niya ngayon ang tahimik at makabuluhang buhay.

Si Tom Rodriguez, o Bartolome Alberto Mott sa totoong buhay, ay isang aktor at singer na unang nakilala sa Pinoy Big Brother: Double Up noong 2009. Mas lalong umingay ang kanyang pangalan sa mga teleserye gaya ng My Husband’s Lover at The Rich Man’s Daughter. Nakilala rin siya sa kanyang kasal sa kapwa artista na si Carla Abellana noong 2021, ngunit nauwi sa hiwalayan noong 2022. Matapos nito, pansamantalang nawala sa spotlight si Tom at namalagi sa U.S. para sa self-healing.

Noong Mayo 2025, ibinahagi ni Tom ang isang emosyonal na video clip ng bonding moment nila ng kanyang anak. Dito, nagbukas siya ng saloobin tungkol sa pagiging isang ama at kung paano siya natutong yakapin ang bagong yugto ng kanyang buhay. Ayon kay Tom, ang pagiging ama ay isang biyayang humubog sa kanya nang husto.

Sa isang mainit na isyu, tinawag ni Carla Abellana na “fake news” ang kumalat na balitang muling nagkabalikan sila ni Tom. Sa kanyang social media, diretsahang sinagot ni Carla ang mga haka-haka, at nagbabala sa mga gumagawa ng maling ulat. Bagamat hindi direktang nagsalita si Tom ukol dito, naging tahimik siyang lumalayo sa kontrobersya.