Ben Madilynn
Kon basehan sa statistics makita nga mas pabor sa tapad ang Oklahoma City Thunder sa ilang makontra sa Eastern Conference teams sa National Basketball Association (NBA) Finals.
Ang Thunder maoy nahimong kampiyon sa Western Conference ug gahuwat nalang sa modaog sa Eastern Finals tali sa Indiana Pacers ug New York Knicks.
Ang Pacers galabaw sa series, 3-2, ug pwede kini nilang matapos karong adlawa sa Game 6, samtang ang Knicks nanghinaot nga mainat ang series ngadto sa Game 7. Sa regular season, ang Thunder nakalabaw og average nga 12.9 ka puntos kada duwa batok sa ilang mga kontra.
Kini mas labaw pa sa naunang rekord nga gibuhat sa Los Angeles Lakers sa 1971-72 nga season, diin ang Lakers nakalabaw og 12.3 ka puntos kada duwa.
Ang Oklahoma City Thunder nahuman usab nga labing una sa tanang team sa Western Conference, layo og 16 ka duwa ang ilang kalahian sa ikaduhang puwesto. Si Shai Gilgeous-Alexander nakadaug sa iyang unang MVP (Most Valuable Player) award tungod sa iyang maayong performance.
Ang Thunder nakatali og 29-1 (win-loss) record batok sa mga team sa East.
Ang bugtong kapildihan batok sa East team nahitabo niadtong Enero 8, dihang napildi sila sa Cleveland Cavaliers, 129-122.
Gipildi sa Oklahoma City ang Indiana Pacers makaduha ka higayon niadtong Disyembre 26 ug Marso 29, samtang ang Knicks napilde pud kaduha niadtong Enero. / RSC
Source: Thunder mas pabor sa Finals
