Ben Madilynn
“Ang request ko lang sa korte sana mabilis ‘yung kaso dahil sa totoo lang, kung tatrabahuhin ang kaso, sandali lang naman matapos. I trust my lawyers and my conscience is clear. Sana lang mabilis ang proseso para matapos na.”
Panawagan kini ni kanhi kongresista Arnolfo Teves, kinsa kasatamtangan nga gibalhug sa National Bureau of Investigation (NBI) detention facility nga nahimutang sa New Bilibid Priso sa Muntilupa City, niadtong Biyernes, Mayo 30, 2025.
Si Teves nasikop sa Dili City, Timor-Leste niadtong Mayo 27, 2025.
Siya nag-atubang og kasong murder ug frustrated murder sa pasangil nga maoy utok sa pagpatay ni Negros Oriental governor Roel Degamo uban sa laing inosente nga sibilyan nga gipamusil niadtong Marso 4, 2023.
Sa press conference si Teves nagkanayon nga iyang gikalipay nga nakauli na siya sa nasud aron iyang ikakita ang iyang pamilya hilabi na ang iyang inahan.
Iyang gipasabot ang rason og nganong siya nagtagutago gumikan sa kabalaka sa iyang kinabuhi ug ang seguridad sa iyang pamilya.
“Of course, malungkot ako syempre dahil makukulong ako. Dito kasi, makukulong ka kahit hindi ka pa convicted. On the other hand, I’m also glad since I haven’t seen my mother for two years. My father died last December. Hindi naman ako nakauwi and it’s quite painful. At least matapos na rin kasi kahit nung nandon ako, inisip ko kahit hindi naman ako umuwi, haharapin ko pa rin ito matapos, e,” sigun pa sa kanhi kongresista.
Dugang pa niya nga andam siya nga moatubang ngadto sa biyuda ni Degamo nga si Negros Oriental 3rd District Representative Janice Degamo.
Laing kasong murder sab ang iyang giatubang may kalabutan sa pagpatay sa tulo ka tawo sa Negros Oriendtal niadtong 2019 nga naglakip sa kanhi board member nga si Miguel Dungog. / TPM / SunStar Philippines
Source: Teves nanghinaot nga paspasan ang pagproseso sa iyang kaso
