Technician sikop atol sa buy-bust

Usa ka livestock technician nga nag-sideline sa pagpamaligya og shabu, nasikop sa buy-bust sa Sit­yo Guiwanon, Barangay Poblacion, lungsod sa Dalaguete, alas 9:45 sa gabii, Sabado, Septiyembre 21, 2024.

Ang suspek giila sa kapulisan sa alyas nga ‘Gerald’, 38, ulitawo apan adunay kapuyo ug kasamtangang nagpuyo sa nahisgotang dapit.

Ang operasyon gilusad sa mga sakop sa Dalaguete Municipal Drugs Enforcement Unit ubos sa direktiba sa ilang hepe nga si P/Major Vincent Awit Zozobrado ug sa koordinasyon sa Philippine Drug Enforcement Agency (PDEA) 7.

Ang poseur buyer nigamit og P500 isip buy-bust bugti sa gamay nga pakite sa shabu sa suspek. Ug sa dihang natiga­yon, ang suspek nasakmitan pa laing siyam ka gagmay nga pakite sa gituhoang shabu. / DVG