Talk to Papa Joe: Karibal

Dear Papa Joe,

Tagua lang ko sa alyas nga Oscar Paps, 30 years old, ug ulitawo pa. Ang akong problema kay medyo sensitibo. Ang akong papa kay byudo, namatay akong mama 2 years ago. 

Si papa kay 55 na pero dili pa kaayo ni siya mailhan nga gors kay active man ni siya sa gym. 

Ang problema lang kay nakipagrelasyon ni siya ug batan-ong babaye nga 23 pa ang edad ug sa club ni niya nailaila. 

Niabot ang time nga gidala ni papa ang babaye sa amo ug gipailaila ni namo sa akong igsuon nga babaye kay duha ra man mi. Hangtod nga ni desisyon si papa nga adto na papuy-on ang babaye ug si kinsa man sad mi nga mobabag niya nga iya man nang kalipay. 

Ang nakapait lang kay karon nga nagkadugay na ang maong babaye sa amo kay nagka-mutual understanding na mi. Molanses lang ni ang babaye nga dili mokuyog sa akong papa kon molakaw ug ako sad modalikyat og uli para magpabugno sa Leyon ug Karnero. Mao ni akong problema ron ug padayunon ba ko ni kay basin masakpan mi ni papa ug palayason na nuon ko diri. Tambagi ko.

Oscar

Oscar,

Undangi na lang na samtang sayo pa kay basin unsa pay mabuhat ni papa nimo diha nimo o sa maong babaye o ba kaha sa iyang kaugalingon nga nawagtang na gani si mama nimo karon ilugon mo pa ang maong babaye. 

Mas maayo man gani mangita ka og pamaagi nga malikay si papa nimo anang bayhana kay wala na siyay ayo. Imagine nahimo niya sa kaugalingong anak sa iyang karelasyon, unsa na kaha sa laing lalaki ? 

Pero naa ra gyud na sad ni papa nimo, basta kon tan-aw nimo nadala ra ang maong babaye sa pagbati nga wala damha, ingna siya sayop inyong gibuhat ug focus siya sa imong amahan.

Papa Joe

(sa inyong tampo ipadala lang sa papajoesuperb@gmail.com, subscribe to my Youtube Channel ” Dear Papa Joe”)