Sumagmamano kadagiti kangrunaan a kalsada, maiparikep para iti HOKA Trilogy Run Asia Baguio Leg 2 inton bigat

BAGUIO CITY – Temporaryo a maiparikep ti Upper Session road, Loakan road, Military Cit-off road, Kisad road, ken Lake Drive iti trapiko inton bigat, Hulyo 7, mangrugi iti alas 12 ti parbangon agingga alas syete ti agsapa metlaeng.

Maibasar iti Executive Order No. 70, series of 2024, daytoy ket para iti HOKA Trilogy Run Asia Baguio Leg 2.

Maitampok ditoy ti 5-km., 10-km., and 21-km. categories a manamnama a pakipasetan ti agarup 3,000 participants.

Panggep ti HOKA ti “Progressive running and training for all.”

Maipalagip a naipatungpal ti HOKA Trilogy Run Asia Baguio leg 1 idiay Burnham Park idi Mayo 12, ita a tawen nu sadino agarup 2,000 nga indibidual ti nakipaset pakairamanan dagiti seasoned runners.

Nakaawat dagiti podium finishers ti medal ken freebies.