Ben Madilynn
Naduktalan ti Presidential Anti-Organized Crime Commission nga adda sumagmamano a grupo dagiti Pilipino a mangikagkagumaan a mangipasdek iti bukodda nga scam hub ditoy pagilian.
Daytoy ket kalpasan ti agsasaruno nga operasion ti gobierno kontra iti illegal nga operasion dagiti Philippine Offshore Gaming Operators.
Segun ken ni PAOCC spokesperson Doctor Winston Casio, nabigbigda ti sumagmamano a mangikagkagumaan a mangpataray iti indigenous scam farm.
Inbatad na a daytoy ket gapo pay iti gatad ti kwarta a maala iti daytoy a klase ti illegal operation.
Kinunana nga iti kallabes a bulan ket rinautda met ti sumagmamano nga online fraud ken online scam networks nga ipatpataray a mismo dagiti Pilipino.
Mainaig iti daytoy, impanamnama ti PAOCC nga ituloy da amin nga operasyon da kontra iti amin a klase ti scam hubs ditoy pagilian.
