Sumagmamano a contractor a timmulong iti pannakatarimaan dagiti naperdi nga infrastructure iti ili ti Vintar, ibilang ni Mayor Degala a dakkel tulong
abyasa
LAOAG CITY – Ibilang ni Mayor Richard Degala a dakkel tulong dagiti sumagmamano a private contractor iti ili ti Vintar a timmulong iti pannakatarimaan dagiti nadadael a kalsada gubuay iti Bagyo Julian.
Segun kenkuana, gapu iti alisto a panagipaay ti tulong dagiti kontraktor ket dagus a natarimaan dagiti nadadael a kalsada tapno kalsada makadaliasat dagiti immunan a na-isolate iti Barangay Surong Valley, Pallas Valley, ken iti paset ti Barangay Salsalamagu iti nadakamat nga ili.
Kinuna ti Mayor a narigat a matarimaan ti lokal a gobierno dagiti nadadael no awan ti tulong dagiti kontraktor.
Nagyaman ti Mayor kadagiti private contratactor a nangipaay ti tulong agsipud ta kurang dagiti heavy equipment ti lokal a gobierno iti nadakamat nga ili.
Kabayatanna, kuna ti mayor a saanda pay masinunuo ti dagup a gatad ti danyos iti ili a Vintar gapu ta agtultuloy pay laeng ti assessment ti opisinada.
