Standard operating procedure, impatungpal ti gobierno kalpasan ti panag-alburoto ti Bulkan Taal
Ben Madilynn
Naisayangkaten ti standard operating procedure ti gobierno kalpasan ti panagbettak ti Bulkan Taal sadiay Batangas.
Iti ambush interview sadiay Pasig City, kinuna ni Presidente Ferdinand Marcos Jr. nga tunggal adda didigra, kanayon a nakaalerto dagiti ahensia ti gobierno.
Inbatad na a bantayan da pay ti sitwasyon kadagiti lugar a kasapulan ti naisangayan nga atension tapno maammuan no sadino ti mabalin nga ag-adjust ti gobyerno.
Impasigurado pay ti Presidente a banbantayan ti gobierno ti kinatalged dagiti umili iti nasao a lugar.
Kinunana nga inton sumrek ti gobierno iti nasao a lugar ket dagus a maibakwit dagiti tattao manipud iti danger zone.
