Ben Madilynn
GENERAL SANTOS CITY — Nagpakatap pa og dugang puwersa sa kapulisan sa mga buhatan sa Commission on Elections sa Soccsksargen (Comelec-12) atol sa pagsugod sa pagduso sa Certificates of Candidacy sa mga nagtinguha nga magpapili sa Mayo 2025 nga bugnong lugaynon.
Kini mismo ang gisulti ni Police Regional Office sa Soccsksargen (PRO-12) Director Brigadier General James Gulmatico.
Ang dugang puwersa sa mga pulis ipakatap sa mga buhatan sa nagkadaiyang lugar sa rehiyon kon diin naa ang buhatan sa Comelec.
Tumong niini aron nga mamahimong malinawon ug hapsay ang “filing” sa COCs sa mga buot modagan sugod karong adlawa, Oktubre 1 hangtud Oktubre 8, 2024, alang 2025 midterm elections.
Gibaharan sab ni General Gulmatico nga mga pulis nga mag-escort og mga kandidato nga way pagtugot sa ilang buhatan mag-atubang og tukmang kaso.
Samtang giingong dunay mga lugar sa Rehiyon 12 nga gipailawom sa election hotspots gumikan sa presensiya sa mga armadong grupo ilabi na na sa mga magkaaway nga kandidato.
Gipasalig nga igo ang puwersa sa kapulisan sa Region 12 aron nga magbantay sa palibot, inabagan sa militar ug mga force multipliers, sa COC filing ug kampanya sa mga kandidato sa mosunod nga mga bulan. (EEF)
