Sam Milby, niregaluhan ang sarili ng Tesla Model Y sa kanyang kaarawan

– Ipinagdiwang ni Sam Milby ang kanyang ika-41 kaarawan sa isang makabuluhang paraan sa pamamagitan ng pagbili ng isang Tesla Model Y bilang regalo sa sarili, na para sa kanya ay simbolo ng self-love at pag-appreciate sa kanyang pinaghirapan sa showbiz

– Ayon kay Sam, isang linggo pa lamang niyang ginagamit ang Tesla pero ramdam na agad niya ang saya at satisfaction sa performance nito—mula sa bilis, smooth na takbo, tahimik na makina, hanggang sa pagiging low maintenance

– Dahil electric vehicle ito, hindi sakop ng coding scheme ang sasakyan kaya mas nakatipid siya sa abala, bukod pa sa pagdami ng mga charging stations sa bansa na nagbibigay ginhawa sa paggamit nito

– Bagama’t nasanay siya sa mga physical controls, inamin ni Sam na medyo naninibago siya sa all-digital interface ng Tesla pero positibo pa rin ang overall feedback niya at sinabing “not bad at all” ang presyo nito para sa mga features na nakukuha mo

Self-love ang tema ng birthday celebration ni Sam Milby nitong taon. Sa kanyang ika-41 kaarawan noong Mayo 23, pinili ng Kapamilya actor-singer na regaluhan ang sarili ng isang Tesla Model Y—isang high-tech, eco-friendly, at matipid sa maintenance na sasakyan. Para kay Sam, karapat-dapat lang na bigyan ang sarili ng isang bagay na sumisimbolo sa kanyang kasipagan at tagumpay.

Ayon sa post mula sa kanyang talent management na Cornerstone Entertainment, excited na excited si Sam sa kanyang bagong sasakyan matapos lamang ang isang linggong paggamit. “This is kind of my birthday gift to myself, I guess. After driving this for a week now, I’m super happy with it. Long range–– ambilis sobra,” aniya.

Bukod sa bilis at pagiging tahimik ng kotse, natuwa rin si Sam na hindi siya sakop ng coding scheme sa bansa dahil isa itong electric vehicle. Isa pa sa mga highlight para sa kanya ay ang minimal maintenance na kailangan at ang modernong features gaya ng full-screen controls. “Everything is on the screen there’s no other physical controls. Medyo naninibago lang [ako] sa aspect na yun. Price wise, it’s not bad at all,” dagdag pa niya.

Sa Pilipinas, kaunti pa lamang ang mga artistang may Tesla, kabilang na si Vice Ganda na may Cybertruck. Ngayon, kasama na si Sam sa listahang ito ng mga tech-savvy at eco-conscious celebrities.

Si Sam Milby ay isa sa mga kilalang aktor at singer sa ABS-CBN. Una siyang nakilala sa reality show na Pinoy Big Brother noong 2005, at mula noon ay nagtuluy-tuloy ang kanyang matagumpay na karera sa showbiz. Bukod sa pagiging aktor at recording artist, kilala rin si Sam sa kanyang pagiging private pagdating sa personal na buhay, na ngayon ay muling nasusubaybayan ng publiko.

Sa isang panayam, nilinaw ni Sam na wala siyang kinalaman sa paghihiwalay nina Moira at Jason. Mariin niyang itinanggi ang mga espekulasyon na siya ang dahilan ng isyu, sabay sabing hindi raw ito kailanman totoo.

Sa gitna ng mga isyung personal, tapat na sinabi ni Sam na hindi pa siya ganap na handa na pumasok muli sa isang relasyon. Inamin niyang may proseso pa siyang pinagdaraanan, ngunit hindi naman isinasara ang puso sa posibilidad ng bagong pag-ibig.