Ruffa Gutierrez reveals she’s not on speaking terms with Herbert

Inamin ni Ruffa Gutierrez na hindi sila nag-uusap ngayon ng kanyang boyfriend na si Herbert Bautista.

Mismong si Ruffa ang nagbahagi ng impormasyong ito sa panayam niya sa Fast Talk With Boy Abunda na ipinalabas ngayong Independence Day, June 12, 2025.

Nagsalita ang akres tungkol sa sitwasyon ngayon ng relasyon nila ni Herbert nang mapag-usapan ang isyu tungkol sa live-in relationship.

“Nooo, I’ve never lived with a person!” mariing tanggi ng aktres.

“Hindi ako naniniwala sa live-in kaya yung mga relasyon ko nagtatagal kasi may space, excited kayo to see each other.

“Kung every day, gumigising ka siya ang katabi mo, parang, oh my gosh!

“I don’t know, ha? Sorry, my longest relationship kasi was seven years. Hindi pa ako lumalampas ng seven years.”

Kasunod nito ay ang pagsisiwalat ni Ruffa na may pinagdadaanan ang kanilang relasyon nila ni Herbert, at hindi sila nag-uusap ngayon.

“But with Herbert, we’re going through a bump right now and we’re not speaking.

“So let’s see if that bump will last or we’ll speak again… I don’t know,” makahulugang pahayag ni Ruffa na dahilan para magkaroon ng mga haka-hakang may problem sa relasyon ni Herbert.

RUFFA WANTS TO INVITE YILMAZ ON HER BIRTHDAY

Samantala, ibinahagi rin ni Ruffa na may komunikasyon na silang muli ng ex-husband niyang si Yilmaz Bektas at madalas na ang kanilang pag-uusap.

Hindi raw ito minamasa ni Herbert.

Saad ni Ruffa: “Well, he shouldn’t mind because he also has kids and he’s also best friends apparently with the mother of his children.

“So, mas naiintindihan niya yun kasi mas mature siya.

“Siguro kung mas bata yung idine-date ko, hindi maiintindihan.

“Hindi naman siya nagseselos kay Yilmaz. Very confident siya.”

Nais din ni Ruffa na imbitahan sa kanyang kaarawan ang dating asawa dahil matagal na silang hindi nagkikita nang personal.

Saad niya: “Gusto ko si Yilmaz kasi ang tagal na naming hindi nagkita.

“On the phone, naging magkaibigan na kami, nagtetelebabad na kami.

“And I think, kapag in person, aabot kami ng eight hours siguro kapag nagkuwento kami.

“Kasi one hour pa lang, nag-uusap kami how we met and we’re already playfully arguing about how we met na, ‘Uy, ikaw ang naghabol sa akin!’

“Sabi niya, ‘No, ikaw ang naghabol sa akin!’

“Siya ang naghabol sa akin, natural! Hindi nga siya nag-i-English, ako nga ang nagturo sa kanyang mag-English nung time na yon.”

Pagpapatuloy ni Ruffa: “I think it’s been more than, like, twenty years since we last saw each other, since the last time he came to visit me here.

“So, marami kaming pag-uusapan, especially tungkol sa mga anak namin.

“It may not have to be romantic but I think it would be nice to have a nice dinner with him.

“He’s single, he’s never been married, kasi ang daming nagsasabi he got married again after me.

“Hindi totoong nagkaroon siya ng bagong asawa.

“Nagkaroon siya ng fiancée, hindi natuloy, and he doesn’t have any children after Lorin and Venice.”