Rico Blanco asks for prayers for younger brother with cancer

Nanawagan ng dasal sa publiko ang Rivermaya vocalist na si Rico Blanco, 51, para sa nakababatang kapatid na humaharap ngayon sa isang matinding pagsubok sa kalusugan.

Nitong Huwebes, January 23, 2025, nag-post sa Instagram ni Rico ng throwback photos nila ng kanyang kapatid na si King, kalakip ang malungkot na balita sa pagkakaroon nito ng cancer.

Kuwento ni Rico, hindi matatawaran ng kahit ano ang samahan nila ni King dahil bata pa lang daw sila ay malapit na sila sa isa’t isa.

Sila raw ang madalas magkasama sa lahat—sa kalungkutan man o kaligayahan—kaya naman ganoon na lamang naapektuhan si Rico nang madiskubre niyang may malubhang sakit si King.

Na-diagnose si King na mayroong squamous cell carcinoma.

Ayon sa Pathology Report, ang squamous cell carcinoma ay isang uri ng cancer na nagsisimula sa squamous cells o mga espesyal na selula na matatagpuan sa panloob na ibabaw ng lukab ng ilong at paranasal sinuses.

Ang paranasal sinuses, na kinabibilangan ng maxillary, frontal, sphenoid, at ethmoid sinuses, ay mga puwang na puno ng hangin sa mga buto sa paligid ng ilong na nagpapagaan sa bigat ng bungo at gumagawa ng mucus.

Mababasa sa caption ni Rico (published as is): “This beautiful boy you see with me is my younger brother, King. Only a year apart, we did everything together growing up, like bestfriends, or even twins.

“We shared so many adventures and fought so many battles alongside each other. I love him so very dearly.

“A few weeks ago we received the terrible news that he has cancer.

“The signs all came too rapidly and seemingly out of nowhere, and by the time we got the full diagnosis, we were told he already has an advanced and very aggressive type of squamous cell carcinoma (sinus).”

RICO ASKS FOR PRAYERS

Bagamat nagsisimula na ang gamutan ni King, karagdagang dasal pa rin ang hinihingi ngayon ni Rico sa kanyang fans para mapagtagumpayan ng kapatid ang sakit nito.

Ayon kay Rico, hindi niya kakayanin kung saka-sakaling may mangyaring hindi maganda kay King.

Aniya: “His treatment started yesterday, and we are praying all our efforts are not too late.

“Weve also decided to share so we can humbly ask for your help – please pray for King’s strength and healing.

“Only heaven really knows whats best for my dear brother but we are keeping our hopes up.

“I cannot bear to imagine a world without him in it.”

prayers and well-wishes MESSAGES

Samantala, sa comments section ng post ni Rico ay bumuhos ang panalangin at pagdamay ng kanyang mga kaibigan sa industriya.

Kabilang sa mga nagpaabot ng dasal at pagdamay sina Iza Calzado, Yam Concepcion, Paolo Valenciano, Nikki Valdez, at Jugs Jugueta.