Resulta iti K-12 program para iti employability dagiti estudyante, palpak! – Presidente Ferdinand Bongbong Marcos Jr.

Ipatungpal ti administrasion ni Marcos ti sumagmamano nga adjustments wenno panagbalbaliw iti K to 12 program ti Department of Education (DepEd).

Daytoy ti palawag ni Presidente Ferdinand Marcos Jr. iti ambush interview sadiay Sulu idi kalman.

Segun iti presidente, saan a simmayaat ti employability ti K to 12 graduates isu a nasken nga ag-adjust ti gobyerno tapno mapaadu ti gundaway dagiti senior high school graduates a sumrek iti workforce.

Kasta lattan iti pannakaipatungpal iti K-12 ditoy pagilian gapu ta biruken met dagiti employers ti years of training dagiti agapply iti trabaho, a kurang ditoy Pilipinas gapu ta sangapulo a tawen laeng ti kurikulum.

Gapu iti daytoy, ad-adalen ti gobierno ti kaadda dagiti ababa a kurso a tallo agingga iti innem a bulan iti makatawen.

Nupay kasta, kinunana a kasapulan pay laeng ti makitinnulong iti pribado a sektor tapno masigurado a maikabil dagiti skilled workers a mabalin a mapataud kadagiti trabaho a kasapulan dagiti kompania.