abyasa
LAOAG CITY – Inpakaammo ni Bombo International News Correspondent Jowena Roberts iti Orlando, Florida, a nariknan ti napigsa nga angin ti Hurricane Milton iti Westside iti nadakamat a pagilian.
Segun kenkuana, basar iti impormasion, nagpalagipda nga agurnongda kadigiti taron ken danom, dua nga aldaw sakbay ti iti iduduprak ti Hurricane Milton rason a nag-panic buying dagiti residente.
Nupay kasta, kinunana a natalged iti kasasaadda iti Orlando ken manamnama nga agbalin a Category 2 inton dumteng iti nadakamat a lugar rason a saanenda a nagbakwit pay.
Innayonna a nagbakwiten dagiti Pilipino nga agtaltalinaed iti Tampa, Florida no sadinno immunan a nag-landfall ti hurricane.
Mainaig iti daytoy, kunana nga awan dagiti naipadamag maipanggep iti Pilipino a nadangran wenno pimmusay gapu iti Hurricane Milton. Kabayatanna, kinunana a naiget ti panagsagana ti gobiernoda para iti emergency responses kas iti panagusar kadagiti dadakkel a bus, evacuation centers, ken nakiuman ti gobiernoda kadagiti dadduma nga estado tapno tumulong iti posible a pannakadadael ti hurricane.
