Puntirya ti COMELEC – Abra a bilang dagiti botante a nagparehistro, nagun-od; Panangipila ti Certificate of Candidacy, namnamaenda a naannayas agingga nga agleppas
Ben Madilynn
ABRA PROVINCE – Uppat nga indibidwal ti nangipila ti Certificate of Candidacy na para iti Sangguniang Bayan idiay Bangued, Abra idi kalman.
Iti interview ti Bombo Radyo kenni Atty. Gustavo Fernandez Dalen, Election Officer iti Commission on Elections – Abra, kadagiti nangipila ket maysa ti incumbent Captain bayat a ti maysa ket sigud a kapitan iti maysa a barangay sadiay.
Sigun kenni Atty. Dalen, nainget ti panagbantay dagiti otoridad ken namnamaenda a peaceful pay ti filling inton sumarsaruno nga aldaw kas iti umuna nga aldaw ti panangipila iti Certificate of Candidacy.
Innayona a nakapasarda ti bassit a problema bayat ti filing ngem minor minimal laeng dagitoy.
Kabayatanna, dumanon iti 139 nga applicants ti nagparehistro iti maudi nga aldaw ti voter registration idi September 30.
Iti sabali a bangir, nagun-od dagitoy ti puntirya da a bilang dagiti nagparehistro a dumanon iti 2,000 agingga 2,500 voters manipud Pebrero agingga Setyembre.
