Presidente Marcos Jr., nag-komit bayat ti selebrasyon ti 2024 National Teachers’ Day a suportaranna dagiti mangisursuro
Ben Madilynn
LA UNION – Nangidanon ti mensahe ni Presidente Ferdinand “Bongbong” Marcos, Jr. para kadagiti mangisursuro kas paset ti National Teacher’s Day Celebration ita nga aldaw ti Sabado, Oktubre 5.
Iti mensahe nga inruar ti Malacañang, imbaga ti Presidente a bigbigenna iti amin a teachers iti naduma-duma a suli ti lubong, a mangibing-binglay iti kinapateg ti laing ken gaget.
Nagkomit ti Presidente a suportaranna dagiti teachers, kadagiti kangrunaan a kasapolan wenno kiddaw dagitoy, a mangpasayaat ti sektor iti edukasyon.
Kinuna na nga agtultuloy ti panangbigbig iti sakripisyo ti tunggal mangisursuro babaen iti panangilungalong dagiti polisiya ken reporma para iti sektor ti edukasyon.
