abyasa
LAOAG CITY – Dinutukan ni Presidente Ferdinand Marcos Jr. ni Senador Sonny Angara kas baro a sekretario ti Department of Education kasukat ni Vice President Sara Duterte a naglusulos iti puesto.
Naammoan nga inton Hulio 19, 2024 ket agbalin nga epektibo ti resignation ni Vice President Sara.
Segun ken ni Presidential Communications Office Secretary Cheloy Garafil nga inrakurak ni Presidente Marcos ti appointment ni Angara iti naiyuswat a Cabinet meeting itay bigat iti Palasyo ti Malakanyang.
Inbatad ni Garafil nga inawat ni Angara ti posision.
Ni Sen. Angara ket addaan ti nalawa a legislative history, ken championed kadagiti significant educational reforms.
Ni Angara ket addaan ti Master of Laws manipud iti Harvard University, Bachelor of Laws manipud iti University of the Philippines, Bachelor of Science in Economics manipud iti London School of Economics a nagbalin a wagas tapno idauloanna ti Department of Education.
Karaman kadagiti legislative work ti Universal Access to Quality Tertiary Education Act ken the Enhanced Basic Education Act of 2013 (K-12).
Suportado ni Sen. Angara dagiti key educational organizations.
Isuna ket inyendorso ti Coordinating Council of Private Educational Associations (COCOPEA) ken ti Philippine Association of Colleges and Universities (PACU).
Inpetteng ni Pres. Marcos ti critical role ti Department of Education ken ti masapol iti maysa a lider ket addaan ti nalawa a kapasidad tapno idauloan ti nalawa nga operasion ti departamento.
Kabayatanna, napalaus ti panagyaman ti gobierno ken ni Vice President Duterte iti serbisiona ken manamnama nga smooth transition iti panangidaulo ni Secretary Angara.
