Ben Madilynn
nababbaba ti nailatang a pondo iti Batang Pinoy inton sumaruno a tawen nu idilig ita a tawen.
Iti panakiuman ti Bombo Radyo kenni Dela Peña, kinunana a ti P12 million a budget a naaprobaran ita a tawen ket posible a bumaba inton sumaruno a tawen a dumanon iti P9 million ti budget.
Daytoy ket gapu ta basbassit ti magastos.
Sigun kenni Dela Peña, naipaayan iti prioridad dagiti atleta ti Batang Pinoy iti siudad agsipud ta nabayag nga outstanding ti siudad iti nasao a pasalip.
Para ita a tawen, agarup innem a gasut nga atleta ti makipaset iti Batang Pinoy a mapasamak sadiay Palawan.
Kabayatanna, impeksa ti opisyal a saan pay a nakasagana ti siudad ti Baguio a manghost iti Batang Pinoy gapu ta manarimaan pay laeng ti panakatarimaan ti Baguio Athletic Bowl.
Nu pay kasta, mangnamnama ni Dela Peña a malpas daytoy inton umuna a kwarter inton sumaruno a tawen ken ditoy mabalinen a pagdesisyonan nu mabalin a ti Baguio ti sumaruno a venue.
