Ben Madilynn
Saan nga umanamong ti Philippine National Police nga agtalinaed ni Kingdom of Jesus Christ (KOJC) leader Pastor Apollo Quiboloy iti Custodial Center dagitoy.
Sigun kenni Philippine National Police Spokesperson Colonel Jean Fajardo, dagiti nakemmeg nga indibidual ket nasken a maibalud kadagiti pasilidad iti Bureau of Jail Management and Penology (BJMP).
Innayon pay ni Fajardo a kayatda nga amin nga indibidual a nakemmeg ket maibaludda iti Bureau of Jail Management and Penology (BJMP) uray ania ti kasasaadda iti biag.
Kabayatanna, naisubmitir iti Pasig Regional Trial Court ti medical evaluation nga insayangkat iti Philippine National Police General Hospital kenni Quiboloy.
Agserbi ti nasao a medical evaluation kas pagbasaran ti korte no mayakar iti ureau of Jail Management and Penology (BJMP) wenno agtalinaed ni Quiboloy iti Philippine National Police Custodial Center.
Iti baet daytoy, nilawlawagan ni Fajardo nga agtumpalda latta no aniaman ti desision iti korte.
