PNP, ikonkonsiderar na ti nasapsapa a pannakaimplementar ti gun ban para iti 2025 Midterm Election
abyasa
LAOAG CITY – Ikonkonsiderar ti Philippine National Police (PNP) ti nasapsapa a pannakaimplementar ti the gun ban tapno maliklikan ti election-related violence kabayatan ti 2025 Midterm Election.
Ti election period ket naka-schedule a mangrugi intono Enero 12, 2025.
Nupay kasta, inlawlawag ni Commission on Elections (Comelec) spokesperson John Rex Laudiangco a ti gun ban ket maipatungpal laeng kabayatan ti campaign period.
Innayon ni Laudiangco a maawatan ti ahensya ti gagem ti nailian a pulisya ngem masapol nga awaten a ti gun ban ket saan laeng a tapno malapdan ti panagitugot iti ruwar t paltog no di ke masakupan na pay ti panangkontrol ti kemikals ken eksplosibo.
Iti baet daytoy, inpakaammo ni Laudiangco a ti Comelec en banc ket ikonsiderar da ti adjustment ti implementasyon ti gun ban ngem kasapulan nga adda ti rekomendasyon.
Kabayatanna, agsagsagana metten ti Philippine National Police para iti deployment dagiti personnel da iti election hot spots.
