PNP, agpila ti kaso kontra kadagiti indibidwal a timmulong iti panaglemmeng ni Pastor Apollo Quiboloy
abyasa
LAOAG CITY – Agpila ti kaso nga obstruction of justice ti Philippine National Police (PNP) kontra kadagiti indibidwal n timmulong iti panaglemmeng idi ti Kingdom of Jesus Christ (KOJC) leader a ni Pastor Apollo Quiboloy.
Daytoy ket kalpasan nga inrakuran ni Philippine National Police chief Police General Rommel Francisco Marbil, a nangipatungpal dan ti full investigation para kadagiti tattao a karaman a timmulong iti panaglemmeng ti pastor.
Maipalagip a natiliw ni Pastor Quiboloy iti napalabas a lawas iti uneg ti Kingdom of Jesus Christ compound idiay Davao City.
Sumangsango iti agdama ni Pastor Quiboloy kadagiti kaso iti babaen ti Section 5(b) ken Section 10(a) ti Republic Act 7610 wenno Special Protection of Children Against Abuse, Exploitation, and Discrimination Act, karaman ti non-bailable qualified human trafficking charge iti babaen ti Section 4(a) of Republic Act No. 9208.
