Mario Bautista
Saan nga umanamong ni Senador Joel Villanueva a mapalubosan ni dismissed Mayor Alice Guo nga agkandidato iti posision iti gobierno, dayta ket kalpasan a pinsingkedan iti kampo ti dati a mayor a mangipila iti Certificate of Candidacy (COC) inton sumaruno a lawas kas Mayor ti Bamban, Tarlac.
Segun kenni Villanueva, nupay awan ti maaramidan ti Commission on Elections (COMELEC) no di awatenda ti COC ni Guo kas paset ti ministerial duty-da, saan a mailibak nga adda pay laeng ti pending material misrepresentation case kontra kenkuana, ken dagiti kaso a naipila ti nadumaduma nga ahensia ti gobierno mainaig iti pudno a kinasiasinona.
Inyunay-unay pay ti senador a saan a mailibak a peke a Pilipino ni Guo ken peke ti inusarna a Birth Certificate, ken napaneknekan ti National Bureau of Investigation a mamaysa iti fingerprint da Chinese national Guo Hua Ping ken Alice Guo.
